› 選擇地區
三藩市
紐約
洛杉磯
其他美國地區
香港 台灣 北美
 

【一直等潘源良回頭】舊愛突然再婚 被撇李麗珍醒覺:我戇居居喺度等,最後原來唔要我

建立時間 (HKT): 0208 00:01


「以為佢會返轉頭,可以再喺埋一齊,但最後原來佢都係唔要我,咁我係失望嘅。」年過50,依然經歷失戀的李麗珍。

「再唔走番出嚟就係等死,唔想死,唔想令粉絲、家人、朋友失望,我一定要令佢地為我鼓掌。」她,前半生依附愛情,換來遍體鱗傷。53歲,李麗珍堅決不再糊塗,重新振作開始。亦因此有勇氣首度剖白,這兩年的失落重創。

她以為長相廝守,最後潘源良離她而去。

「因為都係最長嘅一段,我都感覺到佢係對我好好,而且有咁多歌詞喺身邊附和住,諗住呢個係好難分開。直到有一日真係分開,我就戇居居喺度等,以為佢會返轉頭,可以再喺番埋一齊,或者大家可以有啲咩嘢改變,但最後原來佢都係唔要我,都係好似我做錯嘢一樣,我係好失望。」

相關新聞:【好友羅明珠藍潔瑛猝逝頓悟】李麗珍:我再唔走返出嚟 可能下一個死係我

點擊圖片
直到舊愛突然再婚 被撇李麗珍醒覺:我戇居居喺度等,最後原來唔要我


2016年的一天,他一句:「我要走!」,三度復合的十年關係,從此一刀斷。但當下的她,仍寄望有第四度復合。

「有㗎!因為曾經分開過兩次,今次係第三次,可能變成一個習慣咁樣,但我已經等咗兩年,而呢兩年情緒都極度低落。」

旁人曾跟李麗珍說,他身邊早已存在另一個她。不過人到最痛時,才學會面對、接受、放手、尋回自己。

那兩年,李麗珍在加拿大治療情傷,潘源良在加拿大再婚。

「當時同個女一齊睇到呢段新聞,我同個女對望,唔敢做咩特別反應,當時的確係空白一片。然後就開始鑽牛角尖,點解會咁樣呢?一定係我唔夠好,但有咩唔夠好呢?又諗唔到喎!唯有覺得係緣盡,上天又俾多一次考驗我。

「好傻,之前每次講起都會爆喊,我都食咗兩年情緒藥,直至佢搵到幸福快樂,我開始無再食藥,覺得就算再食都無用。」放下他,原來是最好療效。

有緣冇份,總留下遺憾。

「之前有諗過再婚,不過時間唔啱。對方希望嘅時候我未準備好,到我開始覺得穩定,阿女都差唔多畢業,我自己都可以喺加拿大安定落嚟。但到嗰時反而佢又無乜反應。不過呢啲都已經過去咗,我都唔係好想再講,今次係第一次講,亦都係最後一次。」

點擊圖片
重新振作,才看清昔日的一塌糊塗


重新振作,才看清昔日的一塌糊塗。

「睇番轉頭會覺得自己好傻,一次兩次三次都失敗咗。覺得應該要長大。

「每一次我都係俾人飛,你咪睇我好似好惡死,或者又同男朋友分手嘅新聞,其實好多時係對方提出,我都唔想,我都渴望有一段好長,好安定嘅感情生活。」

再傻的女神,終有夢醒時份。

「我以後都唔要喊,要笑。我覺得今次經歷係令我變好,我希望係咁樣。只要自己走番出嚟,就會有好多朋友等緊我。以前唔夠努力,唯有而家追趕番,起碼要追番之前情緒低落嗰兩年,再追番之前未做好嘅事情。」

還相信真愛?「我都仲有個期望,仍然相信真愛。不過年紀愈嚟愈大,未必好似以前咁多人追求啩!不過仍然希望有人愛錫,所以我對將來仍然充滿希望。」

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

相關新聞

【好友羅明珠藍潔瑛猝逝提醒佢】李麗珍:我再唔走番出嚟 可能下一個死係我: https://bit.ly/2TpJTfC

採訪:Sukey Lo

攝錄:黃志明

攝影:Lawrence Wan

剪接:Ceci

場地:MioXPace

化妝:Ling Ng

髮型:Daniel Cheng@mini g salon

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載