› 選擇地區
三藩市
紐約
洛杉磯
其他美國地區
香港 台灣 北美
 

【大肚8個月脹一個碼】岑麗香向宋熙年取湊仔經 搵定Coffee做瘦身教練?

建立時間 (HKT): 0208 18:00

岑麗香上年12月公佈自己已經陀B五個月,預產期係今年四月,屈指一算,仲有兩個月BB就出世啦!作為準媽咪嘅香香,梗係要向媽媽級嘅朋友取經。呢日佢就同啱啱做咗媽媽半年時間嘅宋熙年食Lunch。而家大肚8個月嘅香香塊面明顯腫脹咗好多,雖然肥咗,但反而顯得佢個樣可愛過之前啊!兩人全程雞啄唔斷,香香仲傾到眼都突埋再掩住個口,唔知係咪俾宋熙年嘅湊仔經嚇親呢?湊仔唔簡單,一早聽定,吸收下經驗都係好事嚟嘅!之前香香話過自己大肚後就食慾大增,試過一個人隊咗大半個Pizza,今日《壹》仔都睇得出佢好好胃口,起勢鯨吞個漢堡,秒速KO咗成個餐。兩個傾咁耐,香香都Keep住表情多多,好好精神。食夠傾夠,佢哋埋單走人,咁啱喺門口撞到Coffee,咁多個新手媽媽,三個加埋仲唔係「三個女人一個墟」?Coffee仲伸手摸吓香香個肚,睇嚟香香生完後可以搵Coffee做瘦身教練啊!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載