蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

【唔接劇1年做乜好?】買紅酒又威士忌 37歲胡定欣自隊定係約咗佢?

建立時間 (HKT): 0312 20:00

講明呢年唔會接劇嘅胡定欣,自己都話慣咗拍劇,而家放假每朝起身都要諗吓做咩好! 壹仔最近好易撞到佢,女人唔使開工,有咩好得過shopping吖!上次行完街買家品,今次,胡定欣先行完超市,再主力行酒舖。對一大堆紅酒,胡定欣左望右望,睇嚟唔知揀邊支好,最後,得到店員貼身介紹,胡定欣一路聽一路點頭,十足學生妹一樣。店員見胡定欣咁易sell,梗係打蛇隨棍上,介紹埋威士忌俾佢,就係咁,又多一單生意喇!有fans喺店外見到視后出巡,入去要求影相,胡定欣nice到爆,勁親民!又買紅酒又買威士忌,唔知胡定欣用嚟自隊打發時間,定係約緋聞男友張振朗齊齊歎呢?

點都好啦,買完兩支紅酒一支威士忌,有店員陪住兼幫佢拎埋上車,呢啲服務唔知係得胡定欣有,定係人人都有呢?不過,講時講,胡定欣最近愛上煮嘢食,佢話要甩咗地獄廚神個朵喎!趁放假唔使拍劇,佢鑽研緊嘢食,先由甜品入手,好有策略!嚟緊下個月會喺馬來西亞開演唱會,冇錯呀,係胡定欣開個唱,話晒佢係新秀入行,又唱過劇集主題曲,加上最近又同古巨基合唱《亂世情侶》,個合唱版仲hit過獨唱版,真係估佢唔到呀!

攝錄:陳亦龍

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載