蘋果日報 | APPLE DAILY
› 選擇地區
三藩市
紐約
洛杉磯
其他美國地區

【張家輝操到躁狂】馬志威林耀聲又係打MMA 日操10粒鐘 開工就想走人

19,117
建立時間 (HKT): 0312 16:00

一部講MMA嘅勵志電影《入鐵籠》,為要投入角色,男主角馬志威和林耀聲都異口同聲說要逃離現場。

「現實打拳每個回合三分鐘,我哋拍攝一個回合要十七個鐘,成日都好想,不如諗過藉口唔做。每晚都係咁諗,聽日不如請假,但又唔可以嘅,接咗套,戲就要百份百投入去做。我記得佢(林耀聲)拍結局嗰日,嗰場戲佢拍咗三日,由最初到嘅時候覺得佢精神奕奕,好大隻。十七個鐘之後,佢變番一條好瘦嘅柴咁。」馬志威形容戲中細佬林耀聲。

「因為運動量太大,要全日不停打,已經消晒所有肌肉,所以每個鏡頭拍攝之前,都會不斷做掌上壓,即係除咗鏡頭上對打之外,鏡頭後都要不斷勞動。只可以話你聽,做演員唔容易。」林耀聲附和。

由操練到拍攝,個多月朝夕相對,兩人更成為好朋友,互相發掘對方優點。

「我之前睇過聲哥幾部電影,佢都係一個前輩,由《烈日當空》開始,我已經覺得呢個人咁似張震,咁靚仔嘅。當然仲戲好唔錯。」馬志威説。

「我覺得佢係一個對演戲非常認真嘅人,喺現場會諗好多方法,亦會同導演有好多交流,背後其實都好風趣,好搞笑。」林耀聲說馬志威更有張家輝風格,一樣喜感十足。



立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app


更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載