蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

【中環寸嘴】不再拜神唔見雞 鼎爺低點絕地反擊

建立時間 (HKT): 0313 10:00

鼎爺私房菜開張時, 口碑一般 ,因為初初冇班底 ,最近我先至去幫襯,原來家陣唔同哂,有啲五、六十歲嘅師傅慕名而來,做鼎爺「條𡃁」,學吓喺邊度入貨,攞返啲古老配料,用古法炮製番啲「真味」,做啲signature dishes出嚟,好似隻「富貴雞」咁。

建議大家,如果搵唔到「真愛」,就去鼎爺度試吓啲「真味」啦,唔係好似啲fusion菜咁,食完仲有confusion。為此,鼎爺話堅持唔做調味料嘅代言人,唔見咗四百萬喎。

嗰次幫襯鼎爺,我話明:「錢唔係問題,叫佢哋有乜耍家嘢攞晒出來,魚翅、燕窩、鮑魚就咪喇,好多地方做得好出色啦!例如上海總會個「會長翅」。駛乜嚟鼎爺呢度?如果唔係,我都識煮啦!」

鼎爺都響應政府活到120歲,70幾歲人才「復活」,可以講係絕地反擊。猶記得幾年前,鼎爺仲俾人屈,話佢攞走TVB開鏡嘅拜神雞同埋燒肉返屋企,當時鼎爺火起出嚟反擊,話攞多嚿燒肉食啫,我信鼎爺呀,點會等得到返屋企呢?餓到就地正法啦?哈哈。

相關新聞:【中環寸嘴】嘆全港最貴蛇羹 慎防食到流鼻血兼飽暖思淫欲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載