蘋果日報 | APPLE DAILY
› 選擇地區
三藩市
紐約
洛杉磯
其他美國地區

英國買嘢好貴?睇啱時機,窮學生都可以瘋狂買衫! | 陳思銘

11,581
建立時間 (HKT): 0316 10:30

唔少第一次去英國讀書既學生都會臨出發前將行李塞到滿一滿,明既,係人都想將香港所有衫褲鞋襪帶哂去英國。但其實英國唔少廉價既連鎖時裝店,減起價既時候分分鐘平過食餐飯,即睇買衫攻略,mark低sale season,到時就可以瘋狂shopping!

Primark

Primark是一間來自愛爾蘭的平價服裝零售公司,全英有174間分店,在英國隨處可見。開學前有時間第一件事就係行Primark,基本上床上用品到衫褲鞋襪都一應俱全,最緊要係又平又靚!£2一條毛巾,£5一條短褲,£10一對鞋,庶渣價錢燒鵝味道,去邊度搵?

相關新聞:倫敦地鐵伏過港鐵?夏天40度、老鼠襲人 但有高水準busking | 陳思銘

Topshop/Topman

極受英國年輕人歡迎的英國品牌,價格適中,衣服品質不錯,設計特別,着起人都fashionable啲!順帶一提,Topshop有唔少極受女仔歡迎既毛毛拖,仲有一系列卡通人物既底衫底褲。倫敦牛津街的商店是全英最大的一間,經常推出半價優惠。Topshop的Click and Collect服務亦非常方便,只要在網上付款後,可以跟據取貨日期到門市自行取貨。

ASOS

ASOS即係As Seen On Screen,是英國最大的服裝網購銷售商,為顧客提供一站式的網購體驗。ASOS有自己的自家品牌,亦有賣各大流行品牌,如Nike和Superdry等等。雖然ASOS沒有實體店,但售後服務有保證,可以把不合適的貨品於郵局免費退回,手續相當簡單。

AllSaints

AllSaints可以話係英國潮牌,修身剪裁非常適合亞洲人,加上黑白灰三種經典色 系的配撘,令人愛不釋手。店鋪有濃厚的工業風格,服裝帶一點gothic風格,簡約得黎盡顯型格,AllSaints的皮䄛堪稱一絕。

相關新聞:英國超市大比拼 留學生輕鬆慳大錢|陳思銘

Muji, Uniqlo

兩間都係香港人至like既日本時裝品牌,分店主要散佈倫敦,曼城和牛津亦有分店。如果想喺英國買日系風格既衫,不妨趁減價既時候睇睇有無平野。


H&M,Zara

兩者皆為國際知名服裝品牌,在這裏特別推介的原因是因為他們經常劈價,價格比香港便宜一大截,還有不少歐洲獨家的款式,£10一件裇衫都無問題。

慳錢小貼士:

學生優惠

大部分品牌也設有學生九折優惠,不確定的可以問店員 “Is there any student discount?”,付錢的時候出示學生證便可。

網購方面,學生使用UNiDAYS在各大品牌網購通常有10-15%的折扣。

留學生還可以申請TOTUM卡 (前身是NUS),1年年費£12,卻為學生提供超過200間商舖的優惠和折扣,一卡在手,全英通行。

減價季節

由每年12月聖誕26號的Boxing Day開始,英國各商戶都會瘋狂減價直至明年的一月。這段時間最好買,貨品亦算齊全,各大百貨公司也會人生人海,是買名牌的最好時機。

每年暑假6-7月亦會推出夏日大減價,不同城鎮High Street上的商舖亦會打折,一減再減,有些貨品亦會以五折、甚至三折發售。


作者:Samuel Chan陳思銘,九歲負笈英國,十四年後畢業歸來,創辦英識教育;如今身在港,心也在港,但思想始終停留在彼邦。

探索驚奇精彩的 wONdEr 故事,請LIKE 我們的Facebook Page,並設定為「搶先看」: https://www.facebook.com/wondermedia.hk/

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載