› 選擇地區
三藩市
紐約
洛杉磯
其他美國地區
香港 台灣 北美
 

【封咗胸就好平凡】34歲密實袁嘉敏驚現三粗

建立時間 (HKT): 0409 20:00

拍過三級片《鴨王》嘅性感尤物袁嘉敏,前年傳佢一度淡出娛圈,轉行做OL,唔再拋胸。早前壹仔見佢買咗部notebook,即刻搵職員教佢SET嘢,仲要一攪就個幾鐘。鏡頭前嘅性感尤物,卸下戰衣之後,變得好小心,明明件衫包到上心口,臨走時佢都將心口拉鍊再拉高啲,密不透風。

少咗一副戰鬥格,確實袁嘉敏好似失光環咁,外型好平凡,而且仲發現佢條腰粗晒,腿肥咗,躉大咗,驚現三粗。

近年佢幕前工作唔算多,拍咗套《女子監獄》,其餘時間多數北上登台。提提歷史!佢係09年最上鏡小姐,同屆冠軍係李丞責老婆劉倩婷,雖然之後嘅路,係性感性感同性感,又出過露半球寫真,但佢胸大有腦,有墨水架!曾經喺澳洲大學修讀傳理系,後來屋企無能力再供佢讀書,唯有返香港半工讀,喺港大修讀電影同文化研究。佢仲係港大法文學會創辦人兼副會長,但因家貧,放暑假時好多同學去法國深造法文,而佢就留喺香港做電影發行嘅實習生。佢嘅路,無論成功與否,出道由做《東張》外勤開始,慢慢捱出嚟,靠自己向上游嘅港女。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載