› 選擇地區
三藩市
紐約
洛杉磯
其他美國地區
香港 台灣 北美
 

【90後大灣區創業實錄】港男裸辭感受中港科網業不同 大陸人要股權唔要高人工

建立時間 (HKT): 0422 07:00

內地科網行業發展一日千里,不少從事科技行業的港人都北上創業。不過,就算與香港一河之隔的深圳打著開放旗幟,但制度文化仍與香港有所不同。

「香港太多傳統嘅公司,我哋喺入邊做嘢,即係好多人都覺得我哋只係公司一粒螺絲。

我係想嘗試多啲新嘅嘢,想去改進一啲現有嘅嘢令佢更加好,一般打工嘅空間未必好大。」

在香港土生土長的90後Jay不甘做打工仔,4前毅然「裸辭」創業。初期曾與拍檔搞App,替公司配對員工,但面對資金及人手不足,無奈向現實低頭,為公司另覓出路。其後在機緣巧合下,改為從事科技媒體公司,並吸引內地媒體公司Technode合作,最後其團隊一起成為了Technode 的合夥人,現負責國際業務拓展。

「大陸市場好大,同埋講緊兩三年前,大陸嘅人工的確比香港低啲嘅,一來我可以試吓更大嘅市場。另一方面,技術上可以搵到多啲嘅人材。大陸可能講緊早幾年已經有啲好大嘅科技公司,咁喺大科技公司出嚟嘅人,佢哋有嗰個相關工作經驗喺幾重要嘅。」他舉例,寫個網站寫一個app,每日活躍用戶要做到100萬個,在香港較難做到。但大陸就有比較多這些相關人才,有參與每日100萬個活躍用戶的經驗。

對於要常常要中港兩邊走,Jay亦大嘆辛苦。「有啲人會覺得,嘩!好遠啊。我自己都喺嘅其實,我自己有時要搭車嘅地方已經覺得好遠,所以我做嘢都希望喺屋企樓下咪算。」不過,他又樂觀地想,就算在香港工作,假如住在新界地方,出中環上班有時都需要兩個鐘,與北上時間相約,只是北上價錢貴一點。加上,從事科技業很多時間都可以在家工作,故他沒有在深圳租屋的念頭。

中港大不同


「香港人成日都叫OT(超時工作),OT就會expect一樣嘢叫做補水。喂!我夜晚搭的士返屋企,公司可以claim返錢?」這可算是不少香港人工作的寫照。Jay則指大陸人未必有這個想法,他們有時未必會與你計較這些。反而可能會有一個想法,我現在為你打生打死, 將來是否可以出多些花紅呢?更甚的是,是否可以分share option(股權)給我?他們所追求的回報並非一些很清晰的package,如在香港OT就要補水或補假等等。

他再舉例,「如果我要搞一個start up,你唔同啲partner講share,就算你喺畀錢請佢,佢未必會睬你。即喺我依家要搞個app,我想你過嚟幫手。你畀兩萬蚊、三萬蚊人工,佢都未必過嚟。除非你同佢講你會有share嘅,你會係個Co-founder之類,咁佢就會願意(過嚟)多啲。」

內地的文化環境,或整個社會體制與香港都不同,Jay亦直言初來報到都會不習慣,惟現時已調整了自己的心態。「譬如話我喺香港人,我返嚟大陸我要concern呢個法制問題的話,都不如退一步諗一諗,其實我去美國,我一樣要concern呢件事。美國嘅法律都有佢嘅問題,英國都喺啦。點解唔用另一個態度去諗,只不過佢同香港唔同。」

撰文:詹詠渝

攝錄:蔡福生

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2UWG7hI

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載