› 選擇地區
三藩市
紐約
洛杉磯
其他美國地區
香港 台灣 北美
 

【66歲盧宛茵開處女騷】海報扮衛蘭 又扮22吋腰圍小鳳姐 Madam:我要闢穀斷食先得

建立時間 (HKT): 0425 07:00

在《鐵探》演慈母出色、做辣奶奶又掂嘅Madam盧宛茵,經之前本刊報導佢同撞樣衛蘭一樣咁唱得之後,66歲終於追夢成真,近日宣布八月在麥花臣舉行演唱加楝篤笑騷。

「係好開心,因為真係諗都諗唔到,而家幾十歲人,竟然可以夢想成真。」Madam說。

早前拍攝演唱會海報,佢揀咗偶像徐小鳳造型致敬。不過要扮小鳳姐,最難度高嘅當然係,如何扮佢廿三吋腰!

一著起小鳳姐經典造型嘅波點裙,Madam一額汗:「嘩,好在著得落,深呼吸先。佢條腰咁幼,我好想有佢條腰,睇下到時闢穀、斷食減肥得唔得啦!」

之後在鏡頭前一舉手一投足,都十足小鳳姐上身。原來幾十年前,盧宛茵到澳門登台時,跟小鳳姐有一面之緣。

至於另一造型,又點少得被網民譽為她們是娛圈失散母女的衛蘭。Madam一身電單身造型,唔使講,梗係演繹黎明形容衛蘭嘅金句:「肥過部電單車。」,呢個造型易掌握好多。

「其實我好欣賞佢,人又靚,唱歌又好聽,聲線又甜美,好nice,俾人印象係好樂觀和藹。」問佢想唔想公開邀請衛蘭做嘉賓?Madam就話:「好呀,希望你(衛蘭)可以教吓我啦,你唱歌咁叻,我無你咁叻,大家可以研究吓!我好想同你合唱。」

當知道有人幫佢開演唱會, Madam開心到失眠。

「有人話同我搞一個騷,我開心到不得了,即刻度定要唱咩歌,到時又跳唔跳舞?即刻瞓唔著,瞓覺都諗住有咩新構思,好想做好個騷。能夠夢想成真,我真係完全無諗過,因為一直覺得開演唱會係屬於年輕人嘅事,諗唔到我呢把年紀都可以,喺香港真係好難得,但外國就有好多類似情況。」

幫佢實現夢想嘅,原來係老友鄭敬基。

「我好多謝基仔搵到今次嘅主辦機構,即係Henry,然後一齊見面,慢慢就傾好成件事,所以好多謝佢哋。」

經典處境劇《卡拉屋企》依家深夜重播,演活肥媽一角嘅Madam即將開騷,呢家人到時亦會上台撐。除咗聽佢唱歌,到時Madam仲會論盡婆媳關係,又為公屋潮文一事平反,佢話會同觀眾好多互動。」

採訪:Sukey Lo

攝錄:吳斯金

相關新聞:【呢餐原來係催涙飯】吳鎮宇鄭敬基搞喊盧宛茵:真係人間有情

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA

相關新聞:【婆媳關係保持清淡】BB來了觸痛回憶 盧宛茵提家事即爆喊(足本版)

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載