› 選擇地區
三藩市
紐約
洛杉磯
其他美國地區
香港 台灣 北美
 

《我的回憶不是我的》十年RE-U 泳兒、海鳴威齊齊「想起羅家英」

建立時間 (HKT): 0420 15:49

十年前泳兒(Vincy)與海鳴威合唱《我的回憶不是我的》一曲,直至今日,都係唔少人必選K歌。早排Vincy同吳浩康於《流行經典五十年》節目重唱呢首經典金曲,唔少回憶返番晒,仲好懷念失蹤人口海鳴威。



早前Vincy同埋一班當年拍攝《我的回憶不是我的》MV嘅工作人員飯聚,當然唔少得海鳴威。Vincy同海鳴威幾年冇見,一見面就合唱返呢首金曲。不過兩個人就轉唱惡搞版「當晚與你記住羅家英」。

除咗合唱,Vincy仲同當年有份幫手拍MV嘅工作人員,大爆當年嘅「蝦碌嘢」。原來當時成個MV,只係用咗兩日時間拍攝及錄音,MV入面件衫仲因為唔啱身而被臨時「換角」,要立刻問同事嘅太太借衫拍攝。除此之外,當時拍攝亦出現好多阻滯,「髮型師同化妝師miss咗班火車;拍攝時落雨,因為現場有泥地,所以本身借咗對鞋唔着得,最後化妝師即時除咗佢對鞋俾我去拍。」



而家諗番,Vincy直言冇諗過呢首歌會爆紅,「當時收到隻歌個時,我係麻麻哋想唱,因為成件事太急,對成件事好冇信心。不過我冇諗到隻歌出咗之後會變成自己其中一首代表作,亦都好多謝海鳴威share咗半隻歌俾我。」Vincy話呢次飯聚好開心,因為雖然隻歌眨吓眼就十年,但係大家都有keep contact,「好開心大家可以keep到呢份友誼,好難得。」

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載