蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

14歲女兒獨自坐機由英國返港 張兆輝叫個女唔好同男人坐

建立時間 (HKT): 0420 19:30

張兆輝一對寶貝仔女,先後去咗英國讀書,復活節假期,哥哥張焯鏗因灼打算去挪威讀碩士,所以先去視察環境,所以今次只有14歲女兒張卓姿獨自返港度假。

阿女中午抵港,輝哥一見到阿女,即時上前幫手推行李,真係廿四孝老豆。

其實,輝哥接機前一晚,因擔心女兒安危,整晚都瞓唔著,他說:「佢咁細個一個人坐十幾個鐘頭飛機,梗係擔心啦!我之前仲叫佢check in前,睇吓隔離個位係咪男人坐,如果係就要調位,哥哥雖然唔返香港,不過佢都喺英國約克接了妺妹出倫敦送到去機場。」廿四孝果然係緊張大師!

接咗阿女返屋企之後,當晚輝哥就要飛到橫店,為大型古裝電視劇《南歌嘹亮》及內地電影《老傢伙們》開工,所以現在要橫店、深圳、香港同泰國四邊跑。

前日(18日),他在橫店,趁不用開工時,便約埋助手及工作人員去明清宮跑步,教他們運動強身。輝哥現時接拍的電視劇及電影,要一直開工拍至暑假,所以輝哥能接女兒機,見到一面已經好開心。

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載