蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

幫囡囡申請定回鄉証 關心妍入行18年首次內地巡唱

建立時間 (HKT): 0422 13:57

自女兒楊榮心(心心)出世後,關心妍(Jade)一直專心湊女,心心日漸長大,現在已兩歲多,Jade今年將重投歌手身份,更舉行入行18年首次內地巡唱「Touching Moment Concert Tour」,七月十三日於廣州舉行首站,之後再到深圳、東莞和佛山等地,將會陸續公布。



曾兩次踏上紅館的Jade,距離上一次個人演唱會已經相隔五年,這段時間全心照顧囡囡和創辦「妍亮生命慈善基金」幫助情緒抑鬱的小朋友和家庭,今年亦將會回歸樂壇。



入行18年,Jade有不少經典慘情歌,《負擔不起》、《你有心》、《我太強》、《慘得過我、《放生》、《仍然》和《失戀哲理》等都深受樂迷歡迎,每次到內地工作,都被歌迷問她什麼時候開騷?這次終於能夠兌現承諾,Jade說︰「內地的巡迴真係等咗好耐,一直都等一個啱嘅時機,內地歌迷問咗十幾年都未實現到,今次意義好大,而今年香港的場地好爆,希望明年2020可以將巡唱帶回香港。」



日前Jade為演唱會海報拍攝,一有時間就跟囡囡玩視像電話,Jade經常和囡囡在屋企玩「廚飯仔」焗麵包和蛋糕,心心一見到媽咪就話要食「包包」和士多啤梨,兩母女更隔空合唱心心的最愛兒歌《太陽伯伯》,Jade說︰「心心每日要聽十五次以上,歌詞背到好熟,哈哈!希望第一站帶埋心心到場,佢出世之後都未見過舞台上嘅媽咪,有俾啲片佢睇過,每次見到媽咪唱歌都好興奮,先幫佢申請定張回鄉証先。」

Jade亦同時宣布正式加盟「MoNo晧星文化娛樂」,曾主辦及協辦「薛之謙摩天大樓2018巡迴演唱會」、「楊千嬅My Beautiful Live世界巡迴演唱會」、歐美天后Mariah Carey的台北演唱會2018和韓國天團BTS「World Tour Love Yourself」曼谷站、「MCJIN歐陽靖IAMHIPHOPMAN 」中國內地巡迴演唱會等。「MoNo晧星文化娛樂」,舉辦過不少國際大型演唱會,今年將全力為Jade開拓華語市場,Jade更會推出廣東和國語新歌,答謝一直支持的歌迷。

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載