蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

【女人當自強 】財經主持到開食品工場 離婚22年陳慧儀冇諗再婚:我怕要照顧返佢

建立時間 (HKT): 0425 18:00

陳慧儀跟前夫導演陳嘉上離婚22年,一直單身,當年結婚退出娛樂圈,由家庭主婦到主持財經節目,一做十三年,三年前認為是時候結束,她又再轉型教授啫喱花蛋糕,現在有三千多學生。

「我好開心,因為有學生識咗呢門手藝後,繼續鑽研,之後自己都可以開班授徒,自食其力。」她說。

因緣際會,陳慧儀投資食品工場,經營了一年多,由零開始,找她合作的訂單愈來愈大,經常頻樸周旋酒店大廚、市場經理,令她有所啟發:「有時未必係要傾生意,而係對方都想要一啲新穎同有趣嘅嘢,你願意同佢哋一齊去諗,最後就可以做件製成品。有啲嘢全世界都話無可能做到,我又會覺得,無理由無可能做不到,只不過可能要諗吓點做。其他人會覺得無人會接呢啲生意,因為無可能做到,但係我會接,因為總會搞得掂,我試過好幾次比較大嘅訂單,都係咁嘅情況接番嚟。」

邊做邊學,陳慧儀自知在這方面是初哥,但肯學肯做,好些大廚都會無私給她自己多年心得。

「為咗要做得好啲,我成日飛去第二度上大師班,一日來回越南同台灣,又試過今日飛新加坡或者馬來西亞,第二就返香港開工。」這天,她給我們看特地為客戶設計的公仔鳯梨酥,以及為邵氏在FILM MART派透明波板糖紀念品。

「其實好多師傅都識整鳯梨酥,不過有啲整得特別滑特別靚,所以我會飛去上佢哋嘅堂,朋友笑我幫航空公司打工。」她說。

從來沒有為自己事業、感情規劃,她說前年開班教做啫喱花蛋糕時,也沒有想過會開食品工場。又如身邊有個拍拖十多年的男友,也沒想過再婚,她說:「我是一個不易放棄的人,離婚後,我也拍過幾次拖,同佢拍拖已經十幾年。不過,我冇想過要再婚,我怕到時要照顧返佢。」

事事全程投入,現在掛在陳慧儀口邊的已經不是美股走勢,而是圍繞工作的話題。例如,她說法國牛油比澳洲的香濃,雖然成本較高,但做曲奇餅更適合。又如靚豬油比菜油更健康,都是來自她做食品工場的心得。

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載