› 選擇地區
三藩市
紐約
洛杉磯
其他美國地區
香港 台灣 北美
 

【出爐港姐曾經做小三】黃嘉雯一當選冠軍 前度牙醫正印IG贈慶

建立時間 (HKT): 0909 18:04

2019年港姐尋晚(8/9)終於誕生,由一直大熱,表現大方得體嘅黃嘉雯(Carmaney)當選冠軍。雖然今年港姐鋒頭全被警民衝突新聞掩蓋,但年年不缺嘅港姐黑歷史,總成為焦點。

冠軍黃嘉雯嘅是非位,就係傳佢曾經介入靚仔牙醫唐逸謙同正印,曾被喻為「港大鍾嘉欣」嘅校花Rachel之間嘅小三,當年兩個背正印去日本滑雪happy。不過小三黑歷史被揭,當事人黃嘉雯當然否認。直至日前正印Rachel喺網上重提此事,仲公開當年黃嘉雯喺情人節寫俾唐醫生情人咭嘅小三証物,咁就真係解釋只係掩飾。

正當尋晚黃嘉雯在全城囑目下,飛上枝頭成港姐,睇住賽果嘅前度情敵係咩反應?梗係拿拿聲贈慶啦!Rachel喺IG post咗一張港姐三甲相,配一個無奈嘅公仔,任大家看圖猜猜,你可以解讀為:「咁都攞到冠軍!」,相信Rachel唔會有異議。

講番呢位曾經俾兩個女仔爭嘅靚仔牙醫,幾年前佢喺大台節目《沒女大翻身》出現,令一眾沒女觀眾驚為天人。有樣有米有事業,揸辣跑返工嘅佢,梗係多女埋身,喺牙醫界出名花弗。不過佢唔只出現過喺娛樂版,港聞版亦做過主角,去年因第三次被判專業失德,被罰停牌3個月。

相關新聞:【出爐港姐遭牙醫前女友爆seed】公開冠軍港姐黃嘉雯做第三者情信

9月2日起升級條件將更新 繼續每月撐壹仔 講真心話撐住我香港!

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載