› 選擇地區
三藩市
紐約
洛杉磯
其他美國地區
香港 台灣 北美
 

鄭欣宜留家抗疫自覺瘦咗 曾Po秋官片:每日唔係屋企就超市,行遠啲驚差佬拉

建立時間 (HKT): 0523 18:00

因為武漢肺炎疫情影響,32歲的鄭欣宜都無乜工開,但好處係多咗時間做運動,佢日前難得現身彭秀慧主持的香港開電視節目《自煮女人最漂亮》,仲好自信又好抵死搞笑咁講:「我瘦咗少少,大家係咪都睇得出?」

睇返欣宜IG,的確唔難發現佢運動嘅片段,最新一條片係做push-up。欣宜話自己一世人未做到一次,然後勉強做到一下半下就已經成身汗。過程嘅搞笑,可媲美《老表,你好hea!》入面,細細粒同阿Bob去踩單車,只踩得3、4秒細細粒就嗌攰,仲聲稱係有史以嚟踩得最耐嘅一次。

不過,千萬別因為欣宜做Push-up搞笑就睇小佢,望多兩條片,就會發現佢跳起舞上嚟唔講得笑,靈活過好多人,甚至驚訝「原來有啲斤兩嘅人跳舞係咁有動感」!

欣宜更定時定候上載ukulele的彈唱片段,雖則係小學雞彈奏level,但不得不配服佢都幾多瓣數自娛又娛人。

仲有,依家咁鍾意分藍黃,欣宜就po過一條鄭少秋舊作片段,當中秋官話:「我覺得自己好折墮,無晒自我,每日唔係屋企就超級市場,唔係超級市場就屋企,行嚟行去得兩笪地方,行遠啲又驚差佬拉!」然後欣宜留言:「大家現況也如此吧。#靚秋」好一個高質IG Post,無論疫情日常定係差佬問題,一條舊片幾句對白講中晒,靚抽!

----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載